Ms. Tennant

Dyam dat out a order oman
She nuh pay har rent
Mi ha me school fee fi pay
An mi cyaan get a cent.
Mi call one lawya frien mi know
Fi tap har at di gate
Mi dear di nex ting me see
Is dem a go pon date.
Mi hiss mi teet an try again;
An call di Matilda’s Corna police;
But Jamaica is very small.
An ah fine dat she a everybody niece
But me nuh really care bout dat.
Mi waan fi see wha a go happen wid dem
Deez protectas a di state,
Since she once was dem pickney frien.
But she now dem frien a late.
Di gyal pan tv every night
An inna di social page
She a pose like she suh nice.
When she deh pon di worl stage.
Mi cyan keep up wid har
She fine money fi buy clothes an hair
An when me see she out a road
She a gwaan like mi not dere.
Di pickney fava beauty queen
An she look like dollaz a run
Mi did glad fi tink seh tings a gwaan
But when mi aks har money done.
Suh weh me wan fi know is how
Every time dat me see har
She have a heap a bran new tings
Weh day mi see she ha one cyar!
Mi hear she go pon one farrin trip
An dat it was far fun!
Mi wanda ow dem pay fa
She a gi har creditors bun!
Den she change har job so mi nuh know
Where fi go fi disgrace har
But me tell yuh something weh mi learn
Mi now capable a war.
Suh mek me give har some advice
Beg yuh listen to me good
Gyal, nuh try fi hide fram mi
Yuh only wish yuh could
Fah mi waan fi tell yuh seh
You nah go get weh again
Tings a go change in a big, big way
Cause mi a di law roun ya now, mi frien.


Return to Duppy and Other Poems.

About Gabrielle Burns

I am a Jamaican at play here in this vast playground in cyberspace....Yes, at times I do like to live dangerously, but I AM also working hard at becoming more interesting by the day... :)
This entry was posted in Patois - Jamaican Language Poems, Poems and tagged , , , , , , , , , , , , , , , . Bookmark the permalink.

One Response to Ms. Tennant

  1. on tenant…CO-RELATES WITH THE GRASSHOPPER AND u mlj lv nv

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>